Այս մասնագիտությունը ցանկացած տնտեսվարող սուբյեկտի ֆինանսական կայունության և արդյունավետ կառավարման հիմքն է։ Մեր շրջանավարտները հավաքում, գրանցում և ընդհանրացնում են կազմակերպության տնտեսական գործառնությունների վերաբերյալ տեղեկատվությունը՝ գործող օրենսդրության պահանջներին համապատասխան։
Առանցքային հմտությունները.
- Փաստաթղթաշրջանառություն և ձևակերպումներ: Սկզբնական հաշվառման փաստաթղթերի կազմում, խմբավորում և համապատասխան հաշվային պլանով գործարքների հաշվապահական ձևակերպումների իրականացում։
- Ֆինանսական հաշվարկներ և աշխատավարձ: Աշխատակիցների աշխատավարձի, դեբիտորական ու կրեդիտորական պարտքերի, ակտիվների մաշվածության և պաշարների ինքնարժեքի ճշգրիտ հաշվարկում։
- Հարկում և հաշվետվություններ: Առաջացող հարկերի ու պարտադիր վճարների հաշվարկում և պետական մարմիններին ներկայացվող ֆինանսական ու հարկային հաշվետվությունների պատրաստում։
- Գույքագրում և վերահսկողություն: Կազմակերպության նյութական ակտիվների, դրամական միջոցների ու պարտքերի գույքագրման աշխատանքներին մասնակցություն և արձանագրությունների կազմում։
Դասախոսական կազմ
