ՀՀ կրթության, գիտության, մշակույթի և սպորտի նախարարության ենթակայությամբ գործող Կոտայքի տարածաշրջանային պետական քոլեջը միջին մասնագիտական, բազմագործառութային ուսումնական հաստատություն է:
Քոլեջը հիմնադրվել է 1966 թվականին և կոչվել Հրազդանի ինդուստրիալ-տեխնոլոգիական տեխնիկում: 2000 թվականին տեխնիկումը վերանվանվել է Հրազդանի պետական քոլեջ, իսկ 2011 թվականի ապրիլի 21-ի թիվ 346-Ա/Ք հրամանի համաձայն` «Կոտայքի տարածաշրջանային պետական քոլեջ» ՊՈԱԿ:
Իր գործունեության տարիներին քոլեջը բազմապիսի մասնագիտություններով բազմաթիվ կադրեր է պատրաստել, որոնցից շատերն աշխատել և աշխատում են տարածաշրջանի մի շարք հիմնարկ-ձեռնարկություններում:
ՏԵՍԼԱԿԱՆ
«Դառնալ տարածաշրջանային մասնագիտական կրթության հենասյուն՝ ապահովելով որակյալ, աշխատաշուկային համահունչ կրթություն հումանիտար, բժշկական, տեխնիկական և գյուղատնտեսական ոլորտներում։»
ԱՐԺԵՔՆԵՐ
- ✔ Որակյալ կրթություն
- ✔ Պատասխանատվություն
- ✔ Համագործակցություն
- ✔ Նորարարություն
- ✔ Անձնակազմի մասնագիտական զարգացում
ՄԵՐ ԱՌԱՔԵԼՈՒԹՅՈՒՆԸ
Կոտայքի տարածաշրջանային պետական քոլեջի առաքելությունն է ապահովել ուսանողների, գործատուների և մասնավոր հատվածի համար որակյալ և մատչելի կրթական ծառայությունների տրամադրումը: Կրթական առաջավոր հայեցակարգերի և տեխնոլոգիաների ներդրմամբ` ավանդական, ինչպես նաև նպատակային փորձարարական և նորարարական ծրագրերի իրականացմամբ քոլեջը դարձել է տարածաշրջանային բազմագործառութային կենտրոն` ստանձնելով կրթական բարեփոխումներն առաջնորդողի դերը:
ԻՆՉՈ՞Ւ ԸՆՏՐԵԼ ԿՏՊՔ-Ն
Այժմ քոլեջը ներկայանում է հիմնովին նորոգված և արդի տեխնիկայով համալրված
🏫 Ժամանակակից պայմաններ
Համակարգչային տեխնիկայով ու ինտերնետով լսարաններ, արհեստանոցներ, լաբորատորիաներ, մարզադահլիճ և գրադարան:
👨🏫 Բարձրակարգ դասախոսներ
6 դասախոսներ մասնագիտական ուսումնական ձեռնարկների հեղինակներ են։ Կազմը պարբերաբար վերապատրաստվում է (GIZ, British Council):
🎓 Անվճար Ուսուցում
Ուսանողների մոտ 60%-ը սովորում է անվճար հիմունքներով: Ընդունելությունը կատարվում է 9-ամյա և 12-ամյա կրթության հիմքով:
🚀 Կրթության Շարունակականություն
Լավ և գերազանց գնահատականներով ավարտած ուսանողները հնարավորություն ունեն կրթությունը շարունակելու ԲՈՒՀ-երի 2-րդ կուրսում: